కాకినాడ,మార్చి 11,(పిన్ పాయింట్)
యువతుల ఆరోగ్య రక్షణే ధ్యేయంగా భారత ప్రభుత్వం మరియు ఆంధ్రప్రదేశ్ ప్రభుత్వం సంయుక్తంగా చేపట్టిన హ్యూమన్ పాపిలోమా వైరస్ టీకా కార్యక్రమాన్ని కాకినాడలోని పలు అర్బన్ ప్రైమరీ హెల్త్ సెంటర్లలో ఎంఎల్సీ కర్రీ పద్మశ్రీ ప్రారంభించారు.
ఈ సందర్భంగా ఆమె మాట్లాడుతూ సర్వైకల్ క్యాన్సర్ (గర్భాశయ ముఖద్వార క్యాన్సర్) నుండి రక్షణ పొందేందుకు ఈ హెచ్పీవీ టీకా ఒక బలమైన రక్షణ కవచంలా పనిచేస్తుందని ఆమె పేర్కొన్నారు.
14 నుండి 15 ఏళ్ల లోపు వయస్సున్న బాలికలందరూ ఈ టీకా తీసుకోవడానికి అర్హులని ఆమె తెలిపారు.తల్లులు చొరవ తీసుకుని, తమ కుమార్తెలకు సరైన వయస్సులో ఈ టీకా వేయించి వారి భవిష్యత్తును సురక్షితం చేయాలని సూచించారు.గ్రామీణ మరియు పట్టణ స్థాయిల్లో ఈ కార్యక్రమాన్ని సమర్థవంతంగా అమలు చేస్తున్న వైద్య ఆరోగ్య శాఖ అధికారులను, యు పి హెచ్ సి
సిబ్బందిని ఈ సందర్భంగా ఆమె అభినందించారు. ప్రభుత్వ ఉచిత టీకా సౌకర్యాన్ని ప్రజలందరూ సద్వినియోగం చేసుకోవాలని ఆమె కోరారు.
ADVERTISEMENT
👆 పూర్తి వివరాల కోసం క్లిక్ చేయండి
