న్యూఢిల్లీ: మత మార్పిడికి సంబంధించి సుప్రీంకోర్టు మంగళవారం అత్యంత కీలకమైన తీర్పును వెలువరించింది. హిందూ, సిక్కు లేదా బౌద్ధ మతాలను వదిలి క్రైస్తవ లేదా ఇతర మతాల్లోకి మారిన వ్యక్తులు తమ ఎస్సీ (SC) హోదాను, దాని ద్వారా లభించే రాజ్యాంగపరమైన హక్కులను తక్షణమే కోల్పోతారని ధర్మాసనం స్పష్టం చేసింది. గతంలో ఆంధ్రప్రదేశ్ హైకోర్టు ఇచ్చిన తీర్పును సమర్థిస్తూ, జస్టిస్ పి.కె. మిశ్రా మరియు జస్టిస్ ఎన్.వి. అంజారియా నేతృత్వంలోని ధర్మాసనం ఈ ఆదేశాలు జారీ చేసింది. క్రైస్తవ మతంలోకి మారిన వ్యక్తికి ఎస్సీ/ఎస్టీ (అట్రాసిటీ) నిరోధక చట్టం కింద రక్షణ వర్తించదని, ఎందుకంటే క్రైస్తవ మతంలో కుల వివక్షకు తావులేదని కోర్టు అభిప్రాయపడింది. 1950 నాటి రాజ్యాంగ ఉత్తర్వుల ప్రకారం ఎస్సీ హోదా కేవలం నిర్దేశిత మూడు మతాలకే పరిమితమని, మతం మారిన తర్వాత కూడా పాత కుల ధ్రువీకరణ పత్రం కలిగి ఉండటం వల్ల ఎలాంటి ప్రయోజనం ఉండదని సుప్రీంకోర్టు ఈ సందర్భంగా తేల్చి చెప్పింది.
ADVERTISEMENT
👆 పూర్తి వివరాల కోసం క్లిక్ చేయండి
