కాకినాడ: నగరంలోని సర్పవరం పోలీస్ స్టేషన్ పరిధిలో ప్రజా భద్రతను మరింత బలోపేతం చేస్తూ అత్యాధునిక సీసీటీవీ మరియు ఏఎన్పీఆర్ (ఆటోమేటిక్ నంబర్ ప్లేట్ రికగ్నిషన్) పర్యవేక్షణ వ్యవస్థను జిల్లా ఎస్పీ జి. బిందు మాధవ్ మంగళవారం ప్రారంభించారు. ఓఎన్జీసీ మరియు జెమినీ ఎడిబుల్స్ సంస్థల సీఎస్ఆర్ (CSR) నిధులతో ఏర్పాటు చేసిన ఈ ప్రాజెక్టులో భాగంగా 19 కీలక ప్రాంతాల్లో సీసీ కెమెరాలు, మరో 9 ప్రధాన కూడళ్లలో ఏఎన్పీఆర్ కెమెరాలను అమర్చారు. ఈ అత్యాధునిక కెమెరాల ద్వారా అనుమానాస్పద వ్యక్తుల కదలికలు, ఆస్తి సంబంధిత నేరాలు, మహిళల భద్రత మరియు వాహనాల రియల్ టైమ్ ట్రాకింగ్పై 24 గంటల పాటు నిఘా ఉండనుంది. అన్ని కెమెరాలను సర్పవరం పోలీస్ స్టేషన్లోని సెంట్రల్ కంట్రోల్ రూమ్కు అనుసంధానించారు. ఈ సందర్భంగా ఎస్పీ మాట్లాడుతూ, ఈ స్మార్ట్ పోలీసింగ్ వ్యవస్థ నేరాల నియంత్రణలో కీలక పాత్ర పోషిస్తుందని, దొంగిలించిన వాహనాలను గుర్తించడం ఇకపై సులభతరమవుతుందని తెలిపారు. ఈ కార్యక్రమంలో ఏఎస్పీ పాటిల్ దేవరాజ్ మనీష్, ఓఎన్జీసీ అసెట్ మేనేజర్ ప్రబల్ సెంగుప్తా, ఇన్స్పెక్టర్ బి. పెద్దిరాజు తదితరులు పాల్గొన్నారు.
ADVERTISEMENT
👆 పూర్తి వివరాల కోసం క్లిక్ చేయండి
